esan larrabetzu

Berria egunkaritik

EAE-ANVko alkateen kontra zentsura mozioak aurkeztea «herritarren borondatearen kontra» doala salatu dute alderdi horretako hainbat alkatek; herritarrek aukeratutako hautetsien aurka egitea «demokraziaren kontra» egitea dela. EAE-ANVko hautetsiak udaletan lanean ari badira, herritarrek eman dieten babesari esker dela ekarri dute gogora, eta azpimarratu dute «batzuei itxuraz ahaztu egiten zaien arren», iazko maiatzaren 27an izan ziren udal eta foru hauteskundeetan 200.000 herritarren babesa jaso zutela. Gainera, beraien ustez, martxoaren 9ko bozetan argi geratu zen ezker abertzaleak oinarri sozial «indartsua» duela, «legez kanporatze eta traba guztien gainetik milaka herritarren babesa» lortu zutelako. Irakurtzen jarraitu →

2008ko UDAL AURREKONTUAK

Aurtengo aurrekontuak onartzeko prozesuan buru-belarri sartuta gagoz eta seguruenik martiaren 31ko plenoan onartuko dira. Aurrekontuak egitea urteko eginkizunik inportanteenatarikoa da,bertan udalaren filosofia eta gestio mota zehaztu,antolatu eta formalizatu egiten dalako. Zentzu hortan, aurrekontuak diseinatzerakoan talde politikoen,udal batzordeen eta herritarren eritxiak kontutan hartzea ezinbestekoa da guretzat. Irakurtzen jarraitu →

larrabetzu.org gunetik hartu doguz datuok:

Datu adierazgarrienak:

• Abstentzioa izan da garaile %49agaz. 719 lagun ez da bozkatzera joan herrian.
• PNVk 102 boto galdu ditu 2004ko hauteskundeetatik, nahiz eta zentsoa ere handitu egin dan Larrabetzun. 500 boto lortu ditu gaur, aurrekoetan baino 102 gitxiago. Hauteskunde munizipaletako beherakadatik, 4 boto baino ez ditu errekuperatu.
• PSEk, gorakada txiki bat herrian. 39 boto 2004an, eta 76 2008an.
• IUk be beherakada 54 boto izan zituen 2004an, eta 36 baino ez aurten.
• Aralarrek igoera txiki bat. 55 lortu ditu 2008an. 38 boto Aralar-Zutik 2004an.
• IU eta Aralarrek 2007ko hauteskunde munizipaletan 210 bozka lortu arren, 2008an 91 baino ez dituzte eskuratu bien botoak batu ezkero.

Gure proposamen politikoa legez kanporatzea salatzeko, Euskal Herriko eskeintza politiko oso garrantzitsu bat baztertu eta halan eta guzti ere hauteskundeak ezer gertatuko ez balitz legez egingo direla salatzeko, martxoaren 6an zuen ezadostasuna agertzeko gonbitea egin gura dotsuegu. Gure ustez domekako hauteskundeek ez dekie ezelango zilegitasunik, ideologia jakin bat izateagatik ezin badogu gure iritzia emon ez dago ezelango demokraziarik, gure ustez hori iruzurra baino ez da. Eta guk ez dogu iruzurrik babestuko.

Martxoaren 6an kalera urten behar dogula uste dogu. Goizean ikastetxeatan eta beharlekuetan egingo direzen mobilizaninoez gain, Larrabetzun hauxe egitea bururatu jaku:

• 19:00etan Burrunbada

• 20:00etan bideo emanaldia: Loiolako elkarrizketak. Bideo honetan Loiolan PSOE, PNV eta Batasunaren artean izandako berbaldiei buruzko informazino guztia azalduten da. Gaur egun bizi dogun egoera ulertuteko ezinbesteko testigantza.

Irakurtzen jarraitu →