Berria egunkariaren webgunetik: Guardia zibil bat hil du ETAk Legutioko kuartelean bonba-auto bat lehertarazita
Larrabetzuko EAE-ANVk hauxe esan gura dau :
- EAE-ANV alderdi politikoa da ( ilegalizazino bidean dauena, bide batez) eta gure helburu politikoak lortuteko bide politikoak baino ez doguz erabilten. Ildo horretan, Legution hildako pertsonaren heriotza Euskal Herriak bizi dauen gatazka politikoaren ondoriozko azken heriotza tamalgarria izan daiten lan egiteko konpromisoa inoz baino arduratsuago hartu gura dogu.
- Lar luzatuten dan gatazka politikoaren ondoriozko indarkeria adierazpide guzti guztiak desagertuteko gure konpromisoa berretsi gura dogu, alde guztietako indarkeriak ez baitakar sufrimendua luzatutea baino.
- Loiolan Ezker Abertzalearen, PSOEren eta PNVren artean izandako alkarrizketen ondorioz, gatazka behin betiko konponduteko zorian egon gintzezan. Guk gatazkaren konponbidea ekarriko deuriezan alkarrizketa eta negoziazinoa barriro emon daitezan lan egiteko konpromisoa hartute dekogu. Horretarako, politika egiten utzi behar doskue eta legez kanpo, gartzelan edo kriminalizatuta nekez egin ahal izango dogu.
- Gatazka politikoa konponduteko bide bakarra alkarrizketa dala deritzogu eta ezker abertzalearen kontrako neurriek ( alderdien ilegalizazinoa eta hautetsien gartzelaratzea, makrosumarioak, gazteen kontrako sarekadak…)herritar talde eta aukera politiko independentistaren bazterketa eta kriminalizazinoa baino ez dekie helburu. Indarkeria erabiltea aurpegiratuten doskuenek ez doskue lan politikoa egiten utzi gura. Guk, ostera, botoa emon euskuen herritarrekiko konpromisoari eutsiko dotsegu; Larrabetzu eta Euskal Herri aske eta justuagoak lortu arte segiduko dogu beharrean.
larrabetzu auzolanean
euskal herria aurrera
