esan larrabetzu

103- EAJ-PNVREN MOZINOA, ZINEGOTZIEN, ALKATEAREN ETA ERAKUNDE POLITIKOAREN BERAREN KONTRA HERRIAN AGERTU DIRAN MEHATXUZKO KARTELEN AURREAN

Gaurko udalbatzarrean PNVk aurkeztuko dauen idatziari buruzko gure iritzia hauxe da:

Herrian agertu diren kartelei erantzunez, EAJ-PNVk bere mozioan erakusten duen egonezinari bidezkoa eta logikoa deritzogu.

Ezker Abertzaleko militanteok eten barik jasan behar doguz bazterketa, legez kanporatzea, epaiketak, kartzelaratzeak, galera ekonomikoak…eta, argi esan behar dogu, ez dogu inongo babesik lortu Euskal Herriko beste talde politikoengandik.

Zoritxarrez Euskal Herriak bizi duen gatazka politikoak egoera latzak sortzen ditu talde polítiko guztiontzat eta kartel hauek sortu duten artegatasuna ere kontestu horretan kokatzen du Ezker Abertzaleko udal taldeak.

Udal talde honek 2007ko ekainaren 16an, bere karguak hartzeko egunean, argi adierazi zuen Udalera Larrabetzuren beharrizanei erantzutera gentozela baita Euskal Herriak beharrezko duen konponbide demokratikoari ekarpena egitera ere. Irakurtzen jarraitu →

Horra gaurko udalbatzarrerako gai-zerrenda:

OHIKO BILERA

2008KO BAGILAREN 26AN, ARRASTIKO 20:00ETAN

GAI-ZERRENDEA

86- MARIA ASUN AMARIKA LARRABIDE ZINEGOTZIA IZENTETEA.

87- OSOKO BILKUREAREN 2008KO MAIATZAREN 6, 19 ETA 29KO AKTAK ONTZAT EMOTEA, BIDEZKOA BADA.

88- ALKATETZEAREN 75. ETA 88. ZENBAKIEN BITARTEKO DEKRETUEN BARRI EMOTEA, BIAK BARNE.

89- OBRA ETA ERABILERA ESKABIDEAK: A)JOSU LARRABEITI MENDIKUTEJN. B) JUAN IGNACIO CATARECHA OLABARRIETAJN.

90- “HAURRESKOLAK ZAHARBARRITU ETA HANDITZEA” IZENEKO OBRA-PROIEKTUA HASIERAN ONTZAT EMOTEA, BIDEZKOA BADA.

91- “UDAL ZERBITZUETARAKO ERAIKINAREN PROIEKTUA (2. FASEA)” IZENEKO OBRA-PROIEKTUA BEHIN BETIKO ONTZAT EMOTEA.

92- “LARRABETZUKO UDAL MUGARTEKO BASARAS AUZOAREN SANEAMENDU PROIEKTUA (1. BANAKAPENA, 3. FASEA)” IZENEKO OBRA-PROIEKTUA BEHIN BETIKO ONTZAT EMOTEA.

93- “LARRABETZU INGURUKO ESKOLEAREN KANPOKO ESPARRUKO EKINTZAK” IZENEKO OBRA-PROIEKTUA BEHIN BETIKO ONTZAT EMOTEA. Irakurtzen jarraitu →

Gaur bete da urtea Larrabetzuko udalera itzuli gintzezanetik. Ospakizun eguna da guretzat, herritarrei urtebeteko lanaren barri emotekoa, entzun beharrekoak entzutekoa, auzolanean artez edo oker gabizen auzolanean aztertutekoa. Herritarrok epaituko dogu egiten gabizena, ez espainiako ezelango sasi justiziak, ez eskuin muturreko epaile-borreroek. Ezker abertzaleko kideok herritarren epaia baino ez dogu aintzat hartuko.

Gogoratu gaur, 19:30ean kontzentrazinoa, gero herri batzarra eta ostean monjorra dekoguzen eta honetara danatara herritar guzti guztiak gauzena gonbidatuta, ez ezker abertzaleko militanteak bakarrik.

larrabetzu euskal herria auzolanean

gora gu ta gutarrak!

Datorren ekainaren 16an urtea beteko da Larrabetzuko ezker abertzalea, EAJ-PNVren lau urteko apartheid politikoaren ostean, berriro ere, udalean dagoena. Urte horren balantzea zuekaz batera egiteko, herri batzarra eta ostean monjorra egitea bururatu jaku. Ohituraz, monjorra lana amaitu ostean egiten da eta jakin badakigu gure lana urteetakoa dana. Ostera, pitike pitike, atzera pausua emon barik goazela eta geure buruengan itxaropena euki badekogula aldarrikatuteko egingo dogu monjorra.

Baina Larrabetzun udalean gauzen antzera, Euskal Herriko udal gehienetan ez doskue uzten herritarren botoen bitartez lortutako zinegotzi karguak betetzen. Horregatik, herri batzarra baino lehen, 19:30ean, kontzentrazioa egingo dogu plazan aukera politiko guztien alde eta bazterketaren kontra.

zu barik ezingo dogu patxadazko ezer egin

larrabetzu euskal herria auzolanean

EGUNA:Ekainaren 16a

19:30: KONTZENTRAZINOA plazan

20:00: HERRI BATZARRA Angulerin

21:30: Monjorra Aretxabalan

BERRIA egunkaritik

ANVren kontrako mozioa onartu dute Pasaian EAJk, PSEk eta PPk

Herritar batek hitza hartu duenean PSEko zinegotziak aretotik ateratzen hasi dira, eta liskarra sortu da

erredakzioa

Donostia

EAJk eta PSE-EEk EAE-ANVren kontra aurkeztutako mozio etikoa onartu egin zuten atzo Pasaian (Gipuzkoa), bi alderdi horien eta PPren botoekin. Aldeko bederatzi boto lortu zituen mozioak: PSE-EErenak bost, EAJrenak bi eta PPrena bat. EAE-ANVko zazpi hautetsiek kontra bozkatu zuten, eta EAko hautetsi bat eta EB-Aralarreko bat abstenitu egin ziren.

EAE-ANVk ere aurkeztu zuen bere mozioa atzoko udalbatzarrean, baina ez zen aurrera atera, bere taldeko hautetsien babesa besterik ez baitzuen lortu. Irakurtzen jarraitu →