esan larrabetzu

Euskal Herria etenbako samindura eta nahigabea sorrarazten dotson gatazka gordin bat jasaten ari da luzaroegi. Inazio Uria Mendizabalen heriotza horren adibidea da. Arrazoi politikoengatik eragindako beste heriotza bat.

Konfrontazino jarrerak nagusitzen direzen honetan, irmoago adierazi gura dogu, gatazkaren susterretara jo behar dala, gure borondatea bide politikoetatik bakarrik lan egitea dala. Ostera, alde batekoen aurkako gaitzespen hutsak exigitzen doskuezenek, jagokuzan eskubideak kendu eta baztertu baino ez gaitue egiten, legez kanpo utzi, berba egitea galazo.
Gure ustean, Euskal Herrian marko demokratiko bat eraikitzea bideratuko dauen akordio politiko batek bakarrik lortuko dau gatazka politiko honeri urtenbidea emotea.

Argi dau Euskal Herrian eskenatoki demokratiko bat lortzea ezinbestekoa dala; askatasunean, herri honeri eta herritar guztioi jagokuzan eskubideen aitortzan eta herri honen gehiengoaren erabakiarekiko errespetuan oinarritua. Gurari hori gatazka armatuaren zein politikoaren parte garan alde guztiok onartu behar dogula deritzogu.
Ardura handiegaz jokatzeko garaiak direz. Guk ez dogu egundo gure herriaren askatasun eta bake nahia manipulatuko. Guk, beharrean tinko segiduko dogu, gure herriaren eskubideen alde, gatazka politiko eta armatuaren ondorio guztiak behin betiko gaindituko deituzen soluzinobide eta akordio politikoaren alde. Horixe dalako Euskal Herriko gehiengo sozialaren nahia, horixe dalako gure herriak merezi dauena.

Danok be, ardura handiz jokatu daigun dei ozena luzatu gura dogu; Alderdi politikoek beren beregi zein euskal gizarteko eragile guztiek.  Konponbidera eroango gaituen benetako prozesu baten aldeko apustua egin beharra dago, gatazkaren susterretara jo eta gertakari honek zein gatazkak sortzen deituzen indarkeria adierazpen guztiak gaindituko deituzen eskenatoki bat lehenbailehen lortu daigun.

Larrabetzuko Ezker Abertzalea