esan larrabetzu
zutik Euskal Herria
Posted in Azaroa 2009 …
BARDINTASUN PLANAREN AURKEZPENA
Hauxe udaleko batzordeak helarazo doskun deialdia:
Gaur, azaroaren 30ean, Larrabetzuko Emakume eta Gizonen Berdintasunerako II Planaren azken zirriborroaren aurkezpena izango dogu, Anguleri Kultur etxean, arratsaldeko 19:00etatik aurrera. Bertan planari buruzko azken iritziak, ekarpenak jaso ahal izango dira.
Larrabetzuko Berdintasunerako II Plana herritar guztientzako tresna ulergarria eta praktikoa izateko asmoagaz jaio da. Hori dala-ta, plan horren egitura eta hizkuntza ahalik eta sinpleneenak eta gertuenak aukeratzen ahalegindu gara.
Aurreko urtean hasi gintzezan plan hori diseinatzen Emakume Batzordean, Behargintzako Berdintasun teknikariegaz alkarlanean. Aurten egingo dan azken Plenoaren onespenagaz amaituko dogu planaren diseinu-lana. Planak hurrengo hiru urteetan, hau da 2010 – 2012, udaleko bizitzan eragina izateko sortu dogu, zinegotzi eta herritarron parte hartzeagaz.
Dokumentua Larrabetzuko udalaren web orritik hartu ahal izango dogu honako helbide honetan, http://www.larrabetzuko-udala.com/modules.php?name=descargas . Liburutegian be kopia eskatu ahal izango dogu. Zuen ekarpenak eta iritziak ongi etorriak izango dira.
Gaurko udalbatzarrean gazte independentisten aldeko mozinoa
Azaroari jagokon udalbatzarra gaur izango da, 20:00etan udaletxean
Hauxe gai-ordena: GAI ORDENA
Horrez ganera eta azken orduan, gertakizunek halan aginduta, atxilotuta dauzen 34 gazte independentisten aldeko mozinoa sartu dogu. Hauxe testua:
GAZTE MUGIMENDUAREN KONTRAKO ESPAINIAR ESTATUAREN ERASO ERREPRESIBOAREN AURREAN MOZIOA:
Azaroaren 23an euskal gazte independentisten aurkako beste operazio poliziala eta judizial bat burutu zuten. Horren ondorioz, hegoaldeko lau herrialdetan Euskal Herriaren eskubideen defentsan aritu diren 34 gazte atxilotu zituzten. Poliziek 90 bat miaketa burutu zituzten: etxeak, gaztetxeak, elkarteak, peñen egoitzak, tabernak…
Atxiloketa hauek arrazoi politikoak direla medio burutzen dituzte, oinarrizko eskubideak urratuz eta berme juridikoak ukatuz. Kasu honetan operazio mediatiko-poliziala erabiliz. Bestalde, esan beharra dugu, makro-operazio hau testuinguru politiko zehatz batean egiten dela.
Izan ere, hilabete hauetan ezker abertzalea eztabaida sakonean murgildua dago. Euskal Herria aldaketa politikora eraman eta eskenatoki demokratiko bat eraikitzeko estrategia eraginkorra definitzeko lanean dabil, eta argi dago honi beldurra diola Estatu espainiarrak. Eztabaida hau eta ezker abertzalearen iniziatiba politikoa zapuzteko Estatuak horrelako operazio errepresiboak burutuko zituela jakina zen, izan ere, errepresioa da Estatu espainiarrak duen tresna bakarra. Irakurtzen jarraitu
AZAROAREN 25ean emakumeen kontrako indarkeria salatuko dogu
Hauxe dozue emakumearen indarkeriaren kontrako nazioarteko eguna dala-ta, Larrabetzuko ezker abertzaleak proposatu eta udalak onartutako testua:
Beste urte batez, Emakumeenganako Indarkeriaren aurkako Nazioarteko Eguna dela-eta, Larrabetzuko udalak salaketa egin nahi du eta biolentzia matxistaren aurka lanean jarraitzeko konpromisoa hartzen du, gure Udalerrian ere irauten duen gaitza baita.
2009a hasi zenetik 5 emakume erail dituzte Euskal Herrian eta milaka dira komunikabideen bitartez jasotzen ditugun kasuen berri . Eraso sexisten inguruko gertakariak eta salaketak egunero entzun ohi ditugun elementuak dira. Herriko jaietan edota jai eremuetan emakumeon askatasuna baldintzatu eta eraso sexisten areagotzea ematen da. Lan eremuan ematen diren sexu jazarpenen datuak kezkatzekoak dira. Gazteriaren artean sexuen arteko botere harremanak eta balore patriarkalak iraunarazteaz gain, mutil askok nesken kontrako indarkeria ere baliatzen dute…
Beraz, Euskal Herriko indarkeri sexistaren diagnosia osatu ahal izateko datu zehatzik ez badugu ere; aipaturiko datuak oinarri hartuta, emakumeon kontrako indarkeria gure herriko arazo sozio-politiko nagusia dela ondorioztatu dezakegu.
Instituzioen aldetik, emakumeon aurkako indarkeriari aurre hartzeko martxan dauden lege, protokolo, orden eta akordio inter-instituzionalak, partzialak dira eta benetako konpromiso politikotan oinarritutako adierazpena plazaratzea beharrezkoa da.
Horren guztiaren jakitun, Udal honek Irakurtzen jarraitu
EL DIARIO VASCO-EL CORREO ESPAÑOL FRANCO gogoratuten
El Diario Vasco gipuzkoako El Correo Español da, ugazaba bardinen egunkariak dira, editorial eta ildo ideologiko batekoak.
El Diario Vasco gipuzkoan eta El Correo Español bizkaian dira gehien irakurtzen direzen egunkariak, besteak beste, euskaldun askok irakurtzen doguzelako.
Eta Larrabetzun? Beste hainbeste. Hauteskundeatan aukera abertzaleen alde egiten dogu larrabetzuarrok nabarmen. Ostera, gero, egunerokoan, El Correo Español erosten dogu, Francoren eskelak ipinten deituzen faxisten esku dagoen egunkaria.
Atzoko egunez, batzuk Santi Brouard eta Josu Muguruza gogoratuten genduzan bitartean, beste batzuk Francogaz akordeu ziren:
