esan larrabetzu

HORI BAIen blogean leidu eta buzoietan jaso dogunez, HORI BAIek bere funtzionamendua hobetuteko larrabetzuar guztion ekarpenak batu gura deitu. Horretarako, domekan,otsailaren 21ean eta 17:00etatik aurrera, herribatzarrera deitu gaitu.

Larrabetzuko Ezker Abertzalekook zoriondu egin gura doguz HORI BAIko asanbladako kideak Larrabetzu osoari aukeria emoten doskuelako iritzia emon, kritika egin zein proposamenak luzatuteko.

HORI BAI zutunik eta bizirik

Gure herritar batzuk luzatuko doskuen galdera da. Usurbilen egin badeurie, Larrabetzun be egin geinke?

Gaurko BERRIAn, galdera horren berorren hausnarketa leidu dogu. ZER DERITZOGU LARRABETZUARROK?

Usurbildarrek bai; besteok zergatik ez?

Otsailaren 27an eta 28an usurbildarrek erabaki ahal izango dute Usurbilgo hondakinen bilketa nola egingo den, herri galdeketa bidez. Urtebete izan dute gaikako bilketa mota berri bat probatzeko, eta orain, edukiontzien bidezkoa eta atez atekoa ezagutu ondoren, bata ala bestea egokiagoa den bozkatuko dute; eta Udalak emaitza errespetatzeko hitza eman du. Irakurtzen jarraitu →

Azken errolda datuen arabera:

Larrabetzun 1960 lagun bizi gara eta 3.723 ibilgailu dagoz gure herrian izena emonda: kotxe, kamioi, motor, traktore…

Aparketako leku nahikorik ez dagoalako eta etxetik ahalik eta hurren aparkatu gura dogulako, Larrabetzun arazo larriak dekoguz. Gaur egun, bidean oker aparkatzeaz ganera, oinezkoentzako lekuetan aparketan doguz kotxeak.

ZELAN KONPONDU GEINKE ARAZOA?

Tortura egunak

Espainar poliziek Euskal Herrian

behelaino zatiak ere preso hartzen dituzte

infernuaren hamaikagarren zirkuluan gatibatzeko.

Edozer gauzarekin harrapatu duten mutilak

lagun torturaturen baten azalpena oroitzen du,

beste batek ez daki zergatik detenitu duten ere,

eta inork ez du ateetan barrura daramatelarik

heldu den sofrimenduaz kalkulo egokirik egiten.

Zer da hormaren kontra zapaltzen nauen oinaze hau?

galdetuko dio gero mutilak bere buruari.

Zer da harrilako hutsune hau? Eta erantzuna

kolore ubelaren metafisikari buruzko tratatua

izanen da, mintzaira hil batetan, borrero itzalen artean.

Honela guti gora behera: odolak aurpegia borratuko dizu,

hegazti itsuek inguratuko zaituzte, haragiak

abandonatuko zaitu eta hargin enanoek zeure

gorputz adreiluz errautsezko katedralea eraikiko dute,

eta zure bizitza zeure fikzioa izanen da

eternitatearen aspektoa den egun bakoitzean.

Materialismo dialektikoaren klasikoetan ez zen argitzen

torturan gizakia, modurik indibidualenean,

munduaren epilogoa bihurtzen dela.

Joseba Sarrionandia. Gartzelako poemak. SUSA 1992