Gure Josuk hauxe idatzi dosku:
Aix en Provene-cuynes, 201eko otsailaren 27an
Aupa lagunok!
Hementxe naukazue, beste gartzela batetik idazten. Ematen duenez, euroaginduarena egiteko epaitegitik hurbil dagoen maison dárret ( epaitu barik dauden presoen gartzela) batean egon behar dala, ta gu zelan ginen Centre de Detention batean, ba horrexegatik mugitu ninduten. Gauza guztiak paketeetan arin sartu, presaka ta ospa, betiko zirkoarekin epaitegira joateko, eskoltarekin, hankak ta eskuak lotuta ta oraingoan gainera gartzelatik epaitegira joateko jertse bat jarri zidaten buruan ezer ez ikusteko. Gero epaitegian hamar hamabost minutu eman nituen. Euroagindua onartzen nuen galdetu zidaten eta nik ezetz esan nien, noski. Martxoaren 4an goizeko 10:30ean pasatuko naiz berriro. 12 urteko kontuarena da euroagindua. Ez dakidana da gero berriro eramango nauten Salonera, geratzen zaidan apurra bertan ematera.
Hemen, orain, heldu berrientzako ziegan nago ta ez dakit astelehenean beste ziega batera eramango nauten, behar denbora gutxirako nagoenez berton utziko naute. Dena dela, gauza batzuk berreskuratu ditut: janaria, arropa batzuk, irratia ta musika ta sukaldatzeko gauzak. Ziega nahikoa txukuna da, telebista ere badago.
(…) Hemen berriro ditugu ateak itxita, Fresnesen moduan, espainiarako ohitzen joateko antza. Gutuna astelehenean bidaliko dot, ia noiz jasotzen dozuen. Bueno ba, uste dot hau izango dala guztia, hemetik ez daukat beste brririk, berri gehiago egongo direnean helaraziko dotzuet era batean edo bestean. Abokaturen bat etortzen baldin bada ostegunean Marsellara eta berriren bat badago berak esango dotzue.
Nik orain estiramendu batzuk egingo dodaz, agujeta apur batzuk dekodaz eta, gero bihar ia kirol apur bat egiten dodan. Ba horixe, goraintziak guztiei, ondo jarraitu, laster egongo gara ta moxu ta besarkada bero bat danori! Laster arte
