Hilabetea da Larrabetzuko udaleko idazkaria bajan dagoanetik. Otsailean ez zan udalbatzarrik burutu eta makina bat gai erabaki barik dagoz. Alkatetzan dagozenak ez dira askorik larritu.
Etzi, martxoaren 24an, Uribe-Kostatik etorritako idazkari bategaz burutuko da udalbatzarra.
Beste gairik onartzen ez badau, honek izango dira udalbatzarrerako berbagaiak:
-Estaduko dirulaguntzak: Igerilekuak barriztuteko proiektuan falta diren tramiteak (Plenoa gai honegatik egingo da, dirulaguntzetarako epea eguenean amaituko dalako)
-Aurrekontu prorrogatuari modifikazinoa egitea Plan Orokorrerako erredakzino taldea kontratatzeko behar dan partida hornitzeko.
Alkateak jakinarazo doskunez, Uribe-Kostako idazkariak, ebatzi barik dagozan beste gaiak ez ei ditu bere gain hartu gura: okupazio militarrari buruzko gure mozinoa, bardintasun plana, industria guneko urbanizazioa, fakturak…
ZER EGINGO DOGU UDALEKO IDAZKARIA BESTE HIRU HILABETEAN OSATUTEN EZ BADA, UDALA ITXI?
