Joan den hasteko eguaztenean 19:30ean deituta zegoen herri-batzarrera 2 lagun baino ez ziren joan.
Kirolaz arduratzen den udaleko batzordeko hiru zinegotziek eta XAKEReko arduradunak, hartutako neurrien zergatia eta erabileran eragingo dituen ondorioak azaldu zituzten. Ostean, bertaratu ziren bi larrabetzuarrengandik honako ekarpen-galderak jaso zituzten eta horiek aztertzeko hitza eman zuten:
- Zergatik laguntzen ditu udalak diruz ikastaro batzuk eta beste batzuk ez?
- Zergatik ez dira frontoia eta gimnasioa zabalik uzten larrabetzuarron ardurapean?
Interneten eta kalean makina bat kezka eta kexu entzun izan ditugun arren, 2 lagun besterik joan ez izanak zalantza sortu digu:
Larrabetzuarrok onartu egin dugu murrizketak krisi ekonomikoagatik direla ala iritzia aurrez aurre emateko aukera dugunean atzera egiten dugu?
