Domekan Euskaldunan Ezker Abertzaleak eta EAk sinatutako akordio estrategikoaren ostean, espero genduzan PSOE-PSE eta PPren erantzunak. Azken batean espainiar nazionalistak dira eta espainiaren batasuna defendatzen deurie armez eta indarrez.
Lortu Arte akordioa historikoa da lehenengoz bi alderdi abertzalek aitortzen deurielako independentzia eta euskal estatua lortzeko indarrak batuko deituezela eta ganera akordioa helburu horrekaz bat egiten deurien guztiei zabalik dagoala azpimarratzen deurielako.
Horrez gain, bide soilik politikoak erabiliko direla ziurtatu da akordioan eta era bateko zein besteko indarkeria baztertuko dala. Hori ulertu gura dauenak erraz ulertuko dau.
Akordioari PNVko zuzendaritzak emondako erantzuna lotsagarriagoa izan da eta edozein abertzalek erabat gaitzetsi beharrekoa. Urkulluk Jose Maria Pastor, Rodolfo Ares eta Leopoldo Barredaren irakurketa bardin bardina egin dau eta hori onartezina da. Urteetako gatazka politikoari amaiera emon eta Euskal Herriaren independentzia ekarri ahal dauen akordioari uko egiten deutsonak argi erakusten dau zeri emoten deutson garrantzia: alderdiaren interesei eta ez euskaldunon interesei, boterea galtzeari eta ez gatazka konpontzeari.
Horregatik dei egiten deutsuegu Euskal Herriaren independentziaren aldeko abertzaleoi indarrak batu daiguzan euskaldunon eskubideen alde.
Honek sor dezakeen ilusioak mapa politikoa aldatzea ekar lezake
Mugimendu independentista izango da indar erabakigarria
Egiguren cuenta con datos fiables del independentismo
Izquierda Abertzale y EA buscan abrir el acuerdo a otras fuerzas
Entrevista a Txelui Moreno en Info7 irratia
