Patxi Lopez buru duen Jaurlaritzak bidali du txostena Madrileko Audientzia Nazionalera. Beraz, Eusko Jaurlaritza da DENONTZAT ESKUBIDE GUZTIAK EUSKAL HERRI OSOAN lemapean burutuko den manifestazioa galazotzea eskatu duena. Honako hau da larunbateko manifestazioan eskatzea debekatu asmo dutena:
- Pertsona guztientzat eskubide guztiak Euskal Herri osoan bermatuko dituen egoera berria: Salbuespenezko eta bortxakeriazko egoera zein egintza oro gaindituz eta eskubide gabezia, urratze edota murrizketa guztiak geldituz.
- Eskubide zibil eta politikoen, giza eskubideen, eskubide indibidual eta kolektiboen bermea, eta zehazki:
- Bizitza eta askatasuna.
- Euskal presoak Euskal Herrira. Kondena bete dutenak eta gaixorik daudenak kalera.
- Inkomunikazioa eta torturak gelditzea.
- Adierazpen askatasuna: pertsona guztiak, proiektu guztiak, aukera guztiak.
- Alderdi eta erakundeen legalizazioa, eta ondorioz, auzi eta sententzia guztiak indargabetzea.
