Azaroaren 25eko udalbatzarrean, udalean gehiengoa osatzen dugun Ezker Abertzaleko eta EB/ARALAReko aldeko botoagaz, Antolakuntza eta Jarduera Araudia onartu zuen.Onartu dugun araudian, orain arte antolakuntzan eta funtzionamenduan lortu diren hobekuntzak erregulatu nahi izan dira. Udal politikan herritarren benetako parte hartzea gauzatzeko oraindik lan handia egin beharra dago. Berau apurka-apurka bideratu behar da eta bai geuk bai herritarrek, ekinez ikasten joan behar dugun gaia da. Onartu berri dugun araudia ez da aldaezina eta eguneroko funtzionamenduak erakutsita ezer aldatu behar bada, aldatu egingo dugu.Hauexek dira araututa gelditzen diren gai batzuk: -”Adskrizio politikobako” zinegotzien eskubideak bermatu egiten ditu: lokala eta baliabideak, batzordetako partaide izaten jarraitzea lehengo kopuru berberean…
-Legegintzaldi hasieran udal funtzionamendundu eta gestioaren gardentasuna eta parte hartze eskubidea bermatzeko asmoz hainbat erabaki hartzea lortu genuen baina hauetako asko ez zeuden behar moduan ziurtatuta harik eta araudi baten finkatu arte:
Gobernu batzorde barik antolatzeko aukera (udalbatzan hartzen dira erabakiak)
Batzordeak herriari zabaltzea.
Plenoetan puntu bakoitzeko herritarrek iritzia azaltzeko eskubidea.
Aurrekontuak egiteko herriaren parte hartzea gauzatzea.
Talde politiko zein adskrizio politikobako zinegotziak lokala eta gitxiengo infraestruktura izateko eskubidea.
Inportantea da PNVren aldaketa gaiari buruz. Aurreko lanketa guztian posturak adosten eta behin betiko testua bideratuta onartzeko puntuan egon ziren. Argi geratu da ez dutela nahi aldaketarik eta eurengatik balitz dana lehengo moduan legokeela.
