esan larrabetzu
zutik Euskal Herria
Filed under egin dezagun bidea …
Egin dezagun bidea
Bizkaiko aizkolari txapelketan, aizkolariak euskal presoak Euskal Herriratzearen alde agertu ziren zapatu iluntzean.
Domeka eguerdian jendeak datorren urtarrilaren 7ko manifestazioaren aldeko atxikimendua agertzeko aukera euki zuen.
Era berean, kontzentrazio handia egin zen Andra Mari kalean.
Egin dezagun bidea, Zamudion
Azaroan, egin dezagun bidea, azken bariku berezia Zamudion. Ibon Meñika, gazte independentista, preso ohia gure artean.
Iluntzeko 8etan Zamudion.
Bilbo be, kolosala izango da
Gogoratu bide batez, urtarrilaren 7an, inoizko manifestaziorik handiena egin gure dala Bilbon, preso eta iheslarien alde. Euskal Herrian, egun hau kolosala izango da. Horretarako, gu guztion indarra eta atxikimendua behar da. Emoizu zure izena be.
Euskal Presoak Euskal Herria
Herriko plazan eta etxe atarietan, leihoetan, balkoietan. Inoiz baino ozenago, argiago, nabarmenago.
Gaur eguerdiko kontzentrazioan presoen eskubideen aldeko ikurrak eta ikurrinak izan dira nagusi. Apurka apurka ea ikur hauekin betetzen ditugun gure kaleak, gure balkoi eta leihoak. Animatu eta jarri ikurra!! Euskal Presoak Etxera!!
Ibon Meñika kalean, libre!
Ibon Meñika, euskal militante gaztea, kalean libre. Euskal Herrirako bidean. Laguntalde handia abiatu zen barikuan autobusez Galiziara, bere bila.
Orain danak, Euskal Herrirantza datoz, Zamudiora. Gainera jaiak dira Zamudion, eta giro itzela egongo da bertan.
Urriko azken barikuan
egin dezagun bidea
Urriaren 28an, barikuz egin dezagun bidea, Larrabetzuko plazan. Iluntzeko 20:00etan kontzentrazioa.
Elkartasun eguna eta Eider Libre Larrabetzun
Elkartasun Eguna Larrabetzun
110 lagun bildu ziran atzo Larrabetzun, bertoko euskal preso politikoei sostengua emateko asmoz antolatu den Elkartasun Egunean.
Jose Miguel Etxeandia, Josu Ginea eta Endika Perez presoen egoeraren berri emateaz gain, Larrabetzuko Egin Dezagun Bidea herri bilgunearen aurkezpena egin da.
Presoei sostengua eman eta Larrabetzun bertan, haien eskubideen aldarrikapen etengabea egitea da bilgune honen helburu nagusia.
Triki poteoa, ekitaldi politikoa eta Elkartasun bazkaria izan dira egitaraua osatu duten ekitaldi nagusienak. Euskal presoek bizi duten egoera larria aditzera emateaz gain, herriko presoek eurek helarazitako mezuak entzuteko aukera izan dute ekitaldira bertaratu direnek.
Elkartasun bazkaria plazan bertan egin da, eta ehun lagun inguruk izan du indaba janaz gozatzeko aukera.
Gainera orain arte preso egon den Eider Zuriarrain, atzo bertan aske gelditu baitzen urte eta erdi herritik kanpo eman ondoren. Eider Zuriarrain Larrabetzura etorri eta omenaldi txiki eta bero bat jaso zuen. Ondo etorria Eider.
