Artxiboa gaika: Emakumeok

Gazteria, Kirola, Kultura eta zerbitzu sozialak. Zer deritzozu?

by

Herri programa osatzen gabiz. Herritarron iritzia behar beharrezkoa da. Ezker abertzaleak baditu proposamenak, baditu asmo barriak Larrabetzurako.

  • Eta zuk, zer deritzezu?

Gazteria eta autogestioa, Multikirola, euskal kulturaren transmisioa, zerbitzu sozialak bermatzea… dira gure proposamenak. Herritarren gogoa, iritzia batzen ari gara orain.

zure ahotsa, gure hitza BIDEOAK >

Larrabetzuko andrazko guztiei gonbitea

by

Etzi, martxoaren 11n, Herri-programa 2011 ekimenaren aitzakiz, emakumeen arloko mintegia burutuko dugu, 18:00etatik 20:00etara Hori Baien.

Mintegiak bi atal nagusi izango ditu:

1.- LAB sindikatuko emakume arloko arduraduna den Zaloa Ibeasegaz berbaldia izango dugu. Berbagaia : Zer eragin dute azken lan eta pentsioen erreformek emakumeongan?

2.- Herri-programarako emakume arloan proposatu gura ditugunei buruzko eztabaida burutuko dugu. Eztabaidarako gidoi lez, honako proposamenak mahai-gaineratuko ditugu:

Udalak bitartekoak jarri behar ditu emakumeenganako era guztietako diskriminazioak desagerrarazteko. Era berean, genero berdintasuna lortzea helburu duen politika integrala ( esparru guztietan eragiten duena) garatu behar du, emakumeok pairatzen ditugun diskriminazio egoera guztiei aurre egingo diona eta asistentzia hutsera mugatuko ez dena. Ezinbestekoa deritzogu politika hori diseinatzean eta praktikan jartzean, Larrabetzuko emakumeon iritzia era iraunkorrean jasotzeari.

Gure proposamena

  • Genero berdintasun ikuspegia udalgintzaren arlo guztietara zabaltzen dela bermatzea.
  • Egungo udalaren emakume eta gizonen Berdintasun Planak jarraipena izango duela bermatzea.
  • Hurrengo Berdintasun Planaren diseinuan, larrabetzuko emakumeen parte hartze zabalagoagaz osatzea.
  • Larrabetzuko emakumeon kontseilua martxan jarri eta bultzatzea emakumeon iritziak, beharrak zein proposamenak batzeko.
  • Larrabetzuko gizonok ere genero berdintasunean inplikatzea bultzatzea.
  • Indarkeriaren biktima diren emakumeen babeserako protokoloa osatzea.

Proposamenok eztabaidarako gidoia izango dira eta batzen garenon artean ekarpen, kritika, zalantza, galdera eta gura beste proposamen jaso ostean, 2011ko Herri-programarako proposamena osatuko dugu.

Emakumeok zutunik!

by

Martxoaren 8a hurbiltzen denean, emakume eta gizonen arteko berdintasunaren aldeko mezuak helarazten dizkigute erakunde ezberdinek. Baina, zer egiten dute eguneroko politikan? Adibide gisa, Bizkaiko Foru Aldundiak menpekotasunaren inguruan duen politika har dezakegu.

BFAko Gizarte Ekintza Sailak, menpekotasun egoeran dauden pertsonak zaintzeko bultzatzen duen prestazioa Familia inguruko Zainketari dagokiona da: 2008ko aurrekontuetan 8 miloi zegoen prestazio horretarako; aurtengoan, 49,7 milioi! Genero-ikuspegitik, prestazio hori ez da neutroa, baizik eta prestazio horren bidez, pertsonen zainketa emakumeon eskuetan jarraitzea bultzatzen baita.

Familiako emakume bat izango da zaintzailea, edo larriagoa dena, askotan, diru-laguntza hori erabiltzen ari da emakume etorkinak azpikontratatzeko segurantza sozialik gabe, kontratu idatzirik gabe, soldata ez-duinekin,… Hau da, prestazio horren bidez, emakume etorkinen lan prekarioa eta eskubiderik gabea bultzatzen ari da Bizkaiko Foru Aldundiak.

Gizarte patriarkal honetan, emakumeek jasaten duten zapalkuntzari aurre egiteko ez dute balio egun bateko mezuek, eguneroko politiketan islatu behar dira emakumeen eskubideen aldeko proposamenak. Eta Gizarte Ekintza arloan, argi dago bidea ez dela orain arte Bizkaiko Foru Aldundiak eramaten duena. Pertsonen zainketak gizarte osoaren ardura izan behar du, eta ez emakumeena. Ildo horretatik, Familia inguruko Zainketa baino, Gizarte Zerbitzuen Sare Publikoan inbertitu beharko luke Bizkaiko Foru Aldundiak. Publikoak eta unibertsalak, zainketaren beharra duen edonoren eskura egongo direnak.

Emakumeak zaintzaileak izateari lotuta dauden bitartean, ez da posible gizarte parekidearen aldeko urratsak ematea. Feminismoa eguneroko proposamen politiketara eraman behar dugu. Hori da Ezker Abertzalearen konpromisoa.

Herritarren parte hartzeak daukan garrantzia

by

Zerbitzu duinak behar doguz

Azken asteotan, asko gara -gero eta gehiago- herri programa 2011 osatzeko, batzarretan parte hartzen gabiltzan herritarra. Kultura, kirola, hezkuntza, osasuna, hirigintza, lana… etengabea da gure artean ideian joan etorria. Kontrastea. Zirriborrotik, paperera ekartzen gabiz gure asmo eta ideia guztiak eta bakoitza.

Bideoak sarean

Paperean idatzitakoa, sarean be zabaltzeko helburuagaz. Herritarron iritziak, inkestak eta aldizkariak buzoneatu ditugu, etxez etxe, auzoz auzo. Dana batutakoan, topaketa jardunaldi bat egitekoak gara, martxo amaieran… herritarron artean osatutako programa biribiltzeko, ezagutzera emoteko.

Bitartean, arloz arlo dekoguzan asmoak eta gurariak azaltzen hasi gara. Bideoz… herritar guztien eskura, pantailan jartzeko asmoagaz.

Zerbitzu sozialen inguruan, herriaren hazkundeari buruz, edo herritarron partehartzeagaz dekoguzan ideiak, minutu erdian batuta.

zure ahotsa, gure hitza BIDEOAK >

Emakumeok eta erakunde publikoak

by

Bilgune Feministako kideek honako gonbidapena bidali digute. Larrabetzuko emakumeei beren beregi eta herritar guztioi deia luzatu gura dizuegu parte har dezazuen mintegi horretan erabakitzen direnak Larrabetzun gauzatu ere gauzatu ditzakegulakoan:

Kaixo lagunak,

Bilgune Feministatik instituzio politiko publikoen inguruan antolatuko dugun Mintegian parte hartzeko gonbitea egiten dizuegu.

Feministok, instituzio publikoetatik bideratzen diren politikak aztergai izan ditugu aspalditik. Hauen eragin zalantzagarria kezka iturri izan da eta izaten jarraitzen du gaur egun ere. Horren isla dira, Euskal Herriko mugimendu feministak 2008. urtean Portugaleten antolatu zituen IV. Jardunaldietan zabaldu zuen eztabaida, eta Bilgune Feministak 2009. urtean Tolosan egindako topaketetan, gaiaren inguruan sakontzeko eta aurrera pausuak emateko egin zuen ahalegina.

Irakurtzen jarraitu →

Zutik emakumeak! Herria kalera!

by

Abiapuntu gisa, emakumeon aurkako indarkeria, patriarkatuak erabili izan duen menperakuntza metodoa izanik, oraindik ere emakumeok gizonekiko jasaten dugun zapalkuntza egoeraren ondoriorik bortitzena izaten jarraitzen duela kokatu nahi dugu.

Emakumeok pairatzen dugun indarkeria, estrukturala denaren abiapuntutik, honen gaindipena, konpromiso politikoekin eta estrukturalak izango diren neurriekin soilik emango dela konbentzituta gaude. Irakurtzen jarraitu →