Artxiboa gaika: Euskal Herriko politika

Momentu gazi gozoak

by


Domeka eguerdian, kontzentrazio berezia egin genuen herriko plazan. Domeka guztietan bezala, presoen aldeko elkarretaratzea egin ostean, kartzelen gora beherak bizi izan genituen herrian bertan.

  • Batetik, eta berri pozgarri moduan, Aretxabalako tabernari izandako Xabier Bidaurre, barriro be gure artean dagoela ospatu genuen.
  • Bestetik, aurreko egunetan Audientzia Nazionaletik jasotako albiste txarraren berri be eman behar izan genuen, Anabel auzokideari, 5 urteko espetxe zigorra aplikatuko diotela.

Bidaurre barriro Aretxabalan
Euskal presoen gaia, pil pilean dago Euskal Herrian.

Gure lagunak herrian libre egoteko aldarria, gero eta ozenago entzuten da, egunetik egunera.

5 urteko espetxe zigorra Anabel Larrabetzuko auzokidearentzat

by

Martxoaren 6tik zain egon gara, eta etorri barri da albisterik txarrena: 5 urteko espetxe zigorra Anabel Prieto, gure auzokidearentzat.

Larrabetzuko ezker abertzaleak, deialdi berezia egin gura du domeka honetan, presoen aldeko kontzentrazioaren ostean.

Domekan, plazan batuko gara.
Anabel Larrabetzun, Euskal Herrian libre!

Krisia, Grezia eta Euskal Herria

by

Manifestazioen ostean mobilizatzen eta bestelako eredua eraikitzen jarraitu beharra dago

Milaka pertsona manifestatu ginen Hego Euskal Herriko lau hiriburuetan Espainiako gobernuaren politika ekonomikoa salatzeko, eta bete-betean jotzen gaituen krisiari aurre egin ahal izateko erabateko burujabetza politikoa eta ekonomikoa eskainiko digun markoa aldarrikatzeko.

Erantzutea beharrezkoa da, baina erantzunetik haratago, ezinbesteko jotzen dugu benetako alternatiba sozio-ekonomikoa artikulatzea. Oinarrian burujabetza politikoa eta ekonomikoa izango dituen alternatiba eta eredu berri bateranzko bidea urratuko duena. Beren gain krisi sistemikoaren ondorio lazgarriak jasaten ari diren pertsonei adierazten diegun elkartasunetik haratago, egoerari buelta emateko alternatiba hezur-mamitu nahi dugu, eta, horretarako, burujabetzan sakondu behar dugu geure marko sozial eta laborala lortu arte.

Euskal Herrian greba orokorra prestatzen ari gara.

Larrabetzun Ezker Abertzalea, pintxoetan be nagusi

by

Sasoi oneko dabil aspaldion ezker abertzalea gure herrian.
Lanak eta militantziak, emaitza onak ondorio. Eta bardina gertatu da Txorierriko pintxoen lehiaketan. Saria nora eta Aretxabala elkartera. Pintxo gozo, ondo aurkeztu eta patxadazkoak egiteagatik. Zein da errezeta? Lana, ilusioa, gogoa eta militantzia.
Pintxo goxoak: lana gogoa eta militantzia
Eta pintxoena metafora ona da Euskal Herriaren aldeko errezetan be. Lana, gogoa, ilusioa, zapore ona, gustua eta militantzia.
On egin eta Aurrera bolie!

Kanpaina itzelaren ostean, gogoeta eguna eta garaipenerako bidea prest

by

Kanpaina handia egin du Amaiur koalizioak. Egunez egun, ekitaldiz ekitaldi, herriz herri eta auzoz auzo. Kanpaina militante bat, militanteek egindako kanpaina.

Azken ekitaldia Bilbon, Iñaki Antiguedad berbetan

Zubiak eraikiz

Herriz herri, hurbildu, zabaldu, joan, etorri, agurtu, ekin, sortu, jarraitu… Zubiak egitea, sortzea da gure helburua. Konponbidea bilatzea, Euskal Herri osoa bake eskenatoki batean jartzea, gure eskubideak onartzea, erabakitzeko eskubidea gauzatzea… herri libre bat osatzea.
Hauteskunde hauetan, barriro be, gure gaitasuna eta indarra erakutsi ditugu, domekan hautesontzietan ikusiko dana.
Euskal Herri osoan egin dugu kanpaina, baina mapa honek adierazten duenez, munduko leku askotan eraiki dira zubiak.
Amaiur
Bideoak, argazkiak, kantak, ekitaldiak, belodromoa, frontoiak, plazak… izan dira lekuko. Eta Euskal Herria bera testigu.
Kanpainaren mapa

Ezker Abertzaleak bozka eskatu du Amaiurrentzat, hazten jarraitzeko

by

EZKERABERTZALEA.INFO

Hauteskundeok, Euskal Herrian aurrerapen handiak ematen ari garen garaian kokaturik datoz, non Ezker Abertzaleak –indar abertzale eta soberanista ezberdinekin batera – behin betiko konponbidea lortzeko eszenatokiaren ateak zabaltzea lortu duen, herri honetako gehiengo sozialaren atxikimenduarekin. ETAk bere jarduera armatua amaitzeko hartu duen erabakia urrats historikoa izan da norabide honetan.

Garai politiko berri honetan beraz, ezkerreko mugimendu independentista Amaiur koalizioaren eskutik aurkeztuko da azaroaren 20ko zitara, herri honetan eman diren aldaketa hauen guztien lekukoa jasoz, aurretik bilduko indarrei beste batzuk gehituz, eta bokazio argi batekin: gure herria murgildurik dagoen aldaketan beste jauzi handi bat ematea.

Irakurtzen jarraitu →

Hemen ez da torturatzen

by

Portu eta Sarasola torturatzeagatik zigortutako guardia zibilak absolbitu egin ditu Auzitegi Gorenak

No se torturó a Igor Portu y tampoco a Mattin Sarasola. Sus lesiones se produjeron durante la detención, salvo, quizá, el enfisema de Portu (una costilla clavada en el pulmón), que no se sabe cómo se produjo, aunque quizá se debió a que durante su traslado en el Patrol policial llevaba la cabeza agachada. Éstas son las conclusiones del Tribunal Supremo, que tumbó ayer la sentencia de la Audiencia Provincial de Gipuzkoa y, en consecuencia, absolvió a los cuatro agentes de la Guardia Civil condenados por esos hechos. El ahogamiento en el río a Portu fue, simplemente, una mentira.
Portu torturatu ostean, hospitalean
Portu eta Sarasola informazio gehiago.
El supremo absuelve a los guardias civiles de torturar a Portu y Sarasola