esan larrabetzu

Atzoko udalbatzarrean, besteak beste, Larrabetzuko Ezker Abertzaleak proposatutako hauxe onartu zen ahobatez:

Larrabetzuko udalerriko Urigintzako Sektore Kontseiluaren ganeko 2008ko maiatzaren 6ko osoko bilkuraren erabagia berrestea eta bere zereginak ezarri eta mugatzeko konpromisoa hartzea.

Berbagai horreri buruzko eztabaida luzea eman zen hiru ordezkaritza politikoen artean. Larrabetzuko Ezker Abertzaleak arrazoi hauek eman zituen Kontseiluaren balioak berrestea eskatzeko:

I.- Larrabetzuko udalbatzak, 2008ko maiatzaren 6ko ez-ohiko udalbatzarrean, hiri-antolamendurako plan nagusia (HAPN) elaboratzeko lanei buruzko aholkuak emateko Hirigintzarako Kontseilu Sektoriala sortzea erabaki zuen.

II.- Hirigintzarako Kontseilu Sektoriala parte hartze organikoa bultzatzeko sortu zuen udalak. Kontseilua kide anitzez osatu zen, ez bakarrik administrazioko ordezkariez, helburua, herritarrek Plan Orokorraren lanketan partaide zuzen izan daitezen lortzea baitzen.

III.- Kontseiluak aholkuak eman, erabakiak hartu eta herritarrei informazioa helarazi behar diela erabaki zen. Kontseiluak proposamenak edota ekarpenak egin eta udalak aintzat hartzen ez baditu, zergatiak arrazoitu beharko ditu.

IV.- Gure talde politikoaren iritziz, Kontseiluari kendu egin gura zaizkio onartuta ditugun funtzio guztiak.

EB/ARALARek adostasuna agertu zuen Ezker Abertzaleak argudiatutakoarekin baina euren ustez ezin da Kontseiluaren zain egon eta orain erabakiak alderdi politikoek hartu behar dituztela argudiatu zuten.

Zein izango dira Kontseiluaren zereginak?

Atzoko ez-ohiko udalbatzarrean behin betiko onartu zenez, ESTUDIO K arduratuko da Larrabetzurako Plan Orokorra idazteaz.  Larrabetzuko Ezker Abertzalekook ez genuen enpresa honen proposamenaren alde egin   ( 4 zenbakidun proposamena) 7 zenbakidun proposamenak, besteak beste, larrabetzuarron benetako parte hartzea bermatu egiten zeuelako. Zein da ESTUDIO Kren proposamena? Irakurtzen jarraitu →

Atzoko udalbatzarrean, uztailaren 30ean, Larrabetzuko Plan Orokorra idatziko duen taldea aukeratzeko kontratazio mahaian erabakitakoa berretsi zen.

Behin behineko idazkaria, arkitektoa eta alderdi bakoitzeko ordezkaria bildu ziren.

9 talde aurkeztu ziren Larrabetzuko Plan Orokorra idazteko.

Kontratua esleitzeko prozesuan 3 sobre zabaldu behar ziren:

1. sobrean baliabide teknikoak puntuatu ziren, 3. sobrean diru eskaintza eta 2. sobrean irizpide subjetiboak. Azken honek izan du garrantzi handiena beste bietan talde guztiak parean gelditu baitira.

Puntu gehien 4. taldeak eskuratu ditu: 93 puntu ESTUDIO K

Larrabetzuko Ezker Abertzaleko udal-taldeko 7 lagunek 10 ordutik gora eman genituen proposamen guzti guztiak aztertzen eta ondorioz honako proposamena hobetsi genuen besteen gainetik nabarmen nahiz eta bi eragozpen antzeman:

1.- Baldintzetan eskatzen zen 3 hilabeteko epean barik, 8 hilabetean burutzea proposatu zuten. 2.- Proposamena español hutsez bidali zuten ( 9 proposamenetatik bakarrak bidali zuen elebietan).

Bi eragozpen horiek aipatuta, honako beste arrazoi hauengatik iruditu zaigu proposamen egokiena:

7. taldearen proposamena: Herrotik

PROPOSAMENAREN APARTEKO ALDERDIAK

1. Partehartze prozesu jarraia, zabala eta sakona. Gainontzeko proposamenen gainetik.

Proposamenaren ardatza parte hartzea da eta ez ohiko metodologia bati gehitzen zaion aparteko prozedura.

Talde honek partehartzea bultzatzea eta suspertzea du helburu.

Bere proiektuak oinarri nagusi bi ditu:

• Herritarren parte hartze zuzena bermatzea.
• Naturarekiko sentsibilitatea.Beste aspektu garrantzitsu batzuk:

• • • Genero ikuspuntua.
    • Bizi kalitatea kontuan hartuta, paisaia urbanoa humanizatzea.

Proposamen honen ardatza partehartzea denez, hori bermatzeko honako bitartekoak zehazten dituzte:

- DIAGNOSI FASEA

Orain arte egindakoa kontuan hartuta larrabetzuarrok berba egitea lortu gura dute. Horretarako:

• Ekitaldi publikoa. Inkesta banatzea.
• Datu ofizialak kontrastatzeko laginketa.
• Erroldatu gabekoen artean laginketa.
• Tailerrak: Berbagaiak: Beharrizanak, nahiak, etorkizuna…
• Ondorioen dokumentua.

AURRE ABANTZEA

• Gaikako tailerrak: Alternatibak eta ideiak sortzea.
• Preferendum-a: Batutako informazioa publikoki aurkeztu ostean, nork bere lehentasunen arabera bozkatu.
• Aurkezpen publikoa.

ABANTZEA

• Asanbladak auzoetan.
• Liburu zuria: Plan orokorraren eragina gehien jasango dutenen larrabetzuarrengana hurbildu edota euren partehartzea bilatu.
• Aurkezpen publikoa.

Herrotik proposamenak eskaintzen dituen HOBEKUNTZAK

• Naturarekiko proiekzioa: Eredu naturalari jaramon egiten dio, ingurune naturalarekiko arreta berezia eskaintzen dio.
• Mapa eta katalogo paisajistikoa.
• Lurraldearen azterketa zehatza.
• Prozesu ekologiko eta sozialak eta urbanistikoak maila berean.
• Uraren ziklo osoaren jasangarritasuna.
• Mugikortasun jasangarrirako plana.
• Garraioaren araberako barne mailako gastuen estudioa.
• Eraikinen inbentarioa. Fitxen bidezko aurkezpenak.
• Mugikortasun jasangarrirako plana.
• Sofware askerako tresnak.
• Orain arte Larrabetzun emandako eraikitzeko lizentzia guztien azterketa osoa.

Ostantzeko proposamenek ez dituzte inondik inora 7.proposamen honek eskaintzen dituen bermeak eskaintzen, ez alderdi metodologikoari ez hobekuntzei dagokienez eta are gutxiago, herritarron parte hartzeari dagokionez.

Bihar goizean aukeratuko da Larrabetzurako Plan Orokorra idazteaz arduratuko den enpresa. Lehiaketara, 9 enpresa aurkeztu ziren.

Gaur plazaratu da Bizkaiko Aldizkari Ofizialean Larrabetzurako Plan Orokorra idazteaz arduratuko dan taldea kontratatzeko iragarkia:

PLAN OROKORRA-IRAGARKIA

Gaurtik hogeita hamar egun natural dekiez aurkeztu gura deurien taldeek.

Talde horren lehenengo egitekoa aurrerapena edo abantzea idaztea izango da. Horren ostean, herritarrok iritzia emoteko eta zuzenean parte hartzeko epea zabalduko da.

Larrabetzuko Ezker Abertzaletik deia egin gura dotsiegu ostantzeko arduradun politikoei ahalegin guztiak egin daiguzan SORTU LARRABETZU prozesua aurrera egin dagian larrabetzuarron iritzia eta borondatea beteko deituzan plana onartu daigun.

SORTU LARRABETZU Kontseiluak eta udalean Berdintasun planaz arduratzen den Gazteria, Emakumea eta Nekazaritza batzordeak antolatuta, HIRIA KOLELTIBOAko lagunek akuilatutako berbaldia dekogu bihar:

Hirigintza eta generoa

• Zer da  hirigintzan generoa uztartzea? (teoria apur bat)
• Zer nolako hirigintza behar du jende  mota desberdinak? (DVDa 20 minutu)
• Iritzien elkartrukea

Maiatzaren 13an, 19:30ean Anguleri kultur etxean

2007ko maiatzean, Larrabetzuko Ezker Abertzaleak honako agiria kaleratu zuen:

Atzo, maiatzaren 23an, Larrabetzuko PNVk, Tomas Ordeñana buru dala, Larrabetzurako Plan Orokorra onartu zeuen, berak bakarrik, herritarroi aurrez ezer esan barik, alegazinoak  onartu aurretik erantzun barik, pleno berezi baten. Besteak beste, Plan horretan, datozen 6 urteetan 730 etxebizitza barri egiteko aukera onartu deurie. Horrek esan gura dau, gitxienez 3 lagunekoa bada bakotxa, 2013rako, Larrabetzun 2.190 pertsona gehiago biziko garala. Eta neurribako hazkunde horri buruz, herritarrok, ez dekogu ezer esateko?  Hau da danon artean egin behar dogun Larrabetzu? Hau da herritarren parte hartzea bultzatutea?

Hauteskundeetan PNVk gehiengoa galdu zuen.

Ezker Abertzaleak EB-ARALARi PNVk berak bakarrik onartutako Plan Orokorra atzera bota eta herritarron parte hartzean oinarritutako prozesua hastea proposatu zion. Prozesu horretan, PNVk ere parte hartu behar zuela proposatu genion EB-ARALARi. Horrela abiatu zen SORTU LARRABETZU prozesua.

Joan den astean aurkeztu ziguten herritarren iritzia jasotzen duen txostena. Txosten horretako datuen arabera, Larrabetzuko herritarrak PNVk berak bakarrik onartu zuen planaren kontrako iritzi garbia dute. Eta hori PNVk ezin du inolaz ere onartu.

Aurreko plana eurek bakarrik diseinatzeko, herritarroi iritzirik eskatu barik diseinatzeko, ezelango parte hartze barik diseinatzeko 3 urte eman zituzten. Orain SORTU LARRABETZUri kontu eske datoz.

Argi dago PNVko Uri Buru Batzarrak ez duela egundo  SORTU LARRABETZU prozesua ontzat hartu, parte hartu badute, herritarren aurrean lotsagarri ez geratzearren egin dutela, ezingo zutelako azaldu herritarren parte hartzean eta iritzian oinarritutako prozesu batean parte ez hartzea.

Sano argigarria da orain, 2011ko hauteskundeetarako urtebete falta denean, eurek bakarrik onartu zuten plana aldarrikatzea, nahiz eta herritarrek plan hari ezetza borobila eman.

Orain ere ez dute herritarron borondatea onartu gura