esan larrabetzu
zutik Euskal Herria
Iñaki Bilbaoren ama hil da
Lezamako Iñaki Bilbaoren ama hil da.
Iñaki, preso politikoa, Cadizeko kartzelan dau preso.
Barikuan, arrastiko 7.30etan, konzentrazio berezi bat egingo da LEZAMAn
Momentu gazi gozoak
Domeka eguerdian, kontzentrazio berezia egin genuen herriko plazan. Domeka guztietan bezala, presoen aldeko elkarretaratzea egin ostean, kartzelen gora beherak bizi izan genituen herrian bertan.
- Batetik, eta berri pozgarri moduan, Aretxabalako tabernari izandako Xabier Bidaurre, barriro be gure artean dagoela ospatu genuen.
- Bestetik, aurreko egunetan Audientzia Nazionaletik jasotako albiste txarraren berri be eman behar izan genuen, Anabel auzokideari, 5 urteko espetxe zigorra aplikatuko diotela.
Euskal presoen gaia, pil pilean dago Euskal Herrian.
Gure lagunak herrian libre egoteko aldarria, gero eta ozenago entzuten da, egunetik egunera.
5 urteko espetxe zigorra Anabel Larrabetzuko auzokidearentzat
Martxoaren 6tik zain egon gara, eta etorri barri da albisterik txarrena: 5 urteko espetxe zigorra Anabel Prieto, gure auzokidearentzat.
Larrabetzuko ezker abertzaleak, deialdi berezia egin gura du domeka honetan, presoen aldeko kontzentrazioaren ostean.
Domekan, plazan batuko gara.
Anabel Larrabetzun, Euskal Herrian libre!
Apirilaren 14an, DENOK BILBORA!
Bilbora joateko denok batera, ARRASTIKO 4RETAN PLAZAN
Apirilaren 14an manifestazio nazionala Bilbon Parot Doktrinaren aurka
Gernikako Akordioa izenpetzen dugun eragile politiko, sindikal eta sozialon iritzian, Parot Dotrina delakoa abalatzen Auzitegi Konstituzionalak harturiko erabakia gatazkaren konponbidearen aurkako erabakia baino ez da.
Euskal herritarren gehiengo zabal batek Auzitegi Konstituzionalaren erabaki politiko hau gure herriaren bake eta konponbide nahien aurkako eraso zuzen gisa interpretatu duenaren erabateko ziurtasuna dugu.
Atzo jakinaraziriko erabakiarekin, Estatuko botere eta aparatuek agerian utzi dute berriro ere Euskal Herrian irekiriko agertoki berriarekiko euren borondatea zein den.
