AFARIA 20 EURO.

AZAROAK 13:

BaDOK > EZtok
Hemendik aurrera, hilero eta Aretxabala kultur elkarteak antolatuta, dokumentalak ikusi eta komentatzeko aukera egongo da Larrabetzun. Urtarrilean hasita, hilero dokumental ezberdin bat. Nazioartekoak, Euskal Herrikoak, politikoak, sozialak, euskaraz, beste hizkuntza batzuetan. Dokumentala zinearen genero interesgarria da, baina ez dekonez zinema komertzialak dekon banaketa eta fama batzutan gutxietsi egiten da. Mundua aldatu gura dugunon eskura dagoen generoa ere badenez, Larrabetzun aurrerantzean aukera aparta eukiko dogu dokumentalak ikusi eta haren ganean berba egiteko.

To shoot an elephant
urtarrilak 18, astelehena, 8etan
Anguleri kultur etxean

Haize Goikoetxea Ugartek hogeita sei urte dauzka. Ipar Euskal Herrian jaio zen. Errefuxiatu bikote baten bigarren alaba da, eta bi urte bete gabe zituela, GALek Mikel Goikoetxea, “Txapela”, hil zuen: bere aita.

Urte guzti hauetan Haizerentzat sendatu gabeko zauri sakon bat izan da bere aitaren heriotza. Gertaera horrek bere bizitza erabat baldintzatu du, eta gainera, amarekin gaiari buruz hitz egitea bientzat oso gogorra izan denez beti, gauza gutxi dakizki aitari buruz.

“Irudi erreal bat edukitzea falta dut, zirkulu bat itxi beharra daukat barnean”, esan zidan egun batean Haizek. “Eta lan horretan zeuk lagunzea gurako nuke. Gura nuke aita ezagutu zutenak elkarrizketa ditzagun”.

Memoriaren berreskurapeneko ariketa zoragarri honen lekukotza da dokumental hau. Haizek eskatuta abiatutako bilaketa du ardatz nagusi, inbestigazio periodistiko soil bat baino askoz gehiago dena: Haizeren bilaketa pertsonala. Bide horretan, Txapelaren irudi desberdinak ezagutu zituzten pertsonekin egiten da topo eta guztiek kontatutako istorioak josiz, Txapelaren irudi kontraesankor bezain erreala osatzen du Haizek, non nahasten diren Argelia eta Donibane Lohitzune, edo Txorierriko langileria eta espainiar ministroen kontrako atentatu saiakerak…. Guzti horrekin batera, Haizeren esperientzia pertsonal errepikaezinaren lekuko bilakatzen da ikuslea. Biktima baten memoria eta sustraien berreskurapen adoretsuaren lekuko.