Martxoaren 6tik zain egon gara, eta etorri barri da albisterik txarrena: 5 urteko espetxe zigorra Anabel Prieto, gure auzokidearentzat.

Larrabetzuko ezker abertzaleak, deialdi berezia egin gura du domeka honetan, presoen aldeko kontzentrazioaren ostean.

Domekan, plazan batuko gara.
Anabel Larrabetzun, Euskal Herrian libre!

Euskal gizartea bakea eta konponbidea eraikitzeko jorratzen ari den bidearen aurkako zartakoa eta giza eskubideen aurkako erabaki antidemokratikoa da. Preso politikoen oinarrizko eskubideak urratzen ditu, ezarritako kondena bete ostean haren luzapena baitakar, askatasun eskubidea urratuz.

197/2006 edo Parot doktrina deritzon irizpideak beste errealitate bat ere gordetzen du:  Espetxe zigorraren luzamendua dakarren neurria dagoeneko hogei bat urte espetxean daramaten presoei ezartzen zaie eta horrenbeste urte espetxean emateak ondorio fisiko eta psikiko atzeraezinak dakartzala.

HONEN AURREAN HERRI MOBILIZAZIOA.

Gaur 17:30ean Iruñeko Golem zinematik abiatuta gaixo dauden presoen aldeko manifestazioa.

Nazio manifestazioa Bilbon 14an, Auzitegi Konstituzionalak babestutako «mendeku eta salbuespen neurriaren» aurka.

GARAn irakurri dogu berria:

DONOSTIA-. Herrirak jakitera eman duenez, Xabier Arina, Ainhoa Villaberde, Ainara Ladron eta Xabier Bidaurrek askatasuna berreskuratuko dute datozen orduetan 30.0000 euroko bermea ordaindu ondoren.

Arina, Ladron eta Bidaurre 2010eko urrian atxilotu zituzten beste hamaika gazterekin batera, Segiko kide izatea leporatuta.

Villaberde ere 2010ean atzeman zuten, baina abenduan jazotako polizia operazio batean. Sarekada hartan sei gazte independentista eta bi abokatu atxilotu zituzten.

Hilabete honetan beste zortzi gazte independentista aske geratu dira.

XABIER BIDAURRE   ARETXABALA K.E.an lanean ibili zan eta gure artean ezaguna da.

AUPA BIDAURRE ETA BESTEAK!

Filed under: Barriek Tagged: askatasuna, BIDAURRE ]]> http://esanlarrabetzu.org/2012/03/27/bidaurre-libre/feed/ 1 esan larrabetzu http://esanlarrabetzu.org/2012/03/17/josemiren-urtebetetzea/ http://esanlarrabetzu.org/2012/03/17/josemiren-urtebetetzea/#comments Sat, 17 Mar 2012 14:44:22 +0000 larrabetzu ezker abertzalea http://esanlarrabetzu.org/?p=3438 ]]> Datorren 28an Josemiren urtebetetzea da.

Hau dela eta, 18an argazkia egingo da eta 28an txokolatadea.

Josemiri buruz informazioa GARAn.

2008ko uztailaren 22an, beste 9 euskal herritarregaz batera,
Larrabetzuarra dan Anabel Prieto atxilotu zuen Guardia Zibilak,
militante independentiten aukako operazio baten.
5 egun inkomunikatuta pasa ostean, guztiek torturak jasan izana salatu zuten.
Espetxean 19 hilabete eman ostean, fiantzapean askatua izan zan eta
iaz Auzitegi Nazionalak epaitu ostean, 5 urtera kondenatu zuten.
Abokatuek “Auzitegi Gorenean” errekurtsoa jarri zuten, ondirioz,
Martxoaren 6an “bista” izan du,  hilabeteren buruan,  behin betiko
epaia aterako da.
ANABEL ESPETXERA JOATEKO ARRISKUAN…
STOP ERREPRESIOARI !!!

Beste alde batetik, Herrira Mugimendua aurkeztu zuten larunbatean Durangon:

http://herrira.org/

Zapatuan:

Ezker Abertzalea, Aralar, EA, Alternatiba, Bilgune Feminista, Eleak, LAB, STEE-EILAS, ESK, Etxerat, Herrira, ESAIT eta gazte independentistek adostutako testua:

Patxi Gomez 1989an espetxeratua izan zen. Ortuellakoak ia 20 urte pasa ditu kartzelan, 1989tik 2009ra bitartean. 2002an, kondenaren hiru laurdenak bete zituenean, askatasuna lortu zuen, baina urte bat eta lau hilabete askatasunean egon ostean berriro atxilotu eta espetxeratu zuten. Defentsak sarturiko errekurtsoa zela medio, 2009ko apirilean berriz askatu zuten, eta urte horretako abenduan Auzitegi Gorenak 10 urtez luzatu zion zigorra. Beraz, zigorra beterik 2006an kaleratua behar zuen arren, Gorenak 197/2006 doktrina ezarri zion eta 2018ra arte luzatu zion kondena.

Hortaz, zigor beraren baitan hiru aldiz atxilotua izan da Patxi eta, Gorenaren irizpide honen arabera, 30 urtera luzatu diote Patxiri zigorra. Bizi arteko zigorra faktikoki ezartzen duen irizpidea da honakoa, preso politikoei salbuespenez aplikatzen zaiena. Dagoeneko 70 baino gehiago dira neurri honekin beren zigorra luzatua ikusi duten presoak.

Bizi arteko zigorra onartezina da giza eskubideen ikuspegitik. Askatasunerako oinarrizko giza eskubidea urratzeaz gain, ondorio fisiko eta psikologiko larri eta konponezinak eragiten ditu pertsonengan.

Horrez gain, Euskal Herrian irekitako bake eta konponbiderako aukerak zabalik dauden honetan, Espainiako gobernuak presoen oinarrizko eskubideak urratzen jarraitzen du. Presoen oinarrizko eskubideei prezioa jartzen ari zaie, eta hori oinarrizko giza eskubideen aurka doa.

Euskal jendartearen gehiengoak preso politikoen aurka aplikatzen diren muturreko neurriak desaktibatzea eskatzen du. Hala erakutsi du behin eta berriro jendarteak, mobilizazio handien bidez, bai eta alderdi politiko, sindikatu eta eragile ugarik ere. Patxi Gomezen aurkako zigorra indargabetzea exijitu zuten Ortuellako udalean PSE, PNV eta EA alderdiek, 2010eko urtarrilean eta atzo bertan, Patxiren askatasuna eskatu behar izan zutelarik. Aski nabarmena da gaur egun PPk soilik defendatzen duela euskal preso politikoei aplikatzen zaien kartzela politika. Gainera, euskal jendartearen borondate eta nahiaren aurka eusten dio jarrera horri.

Argi dago Euskal Herriak konponbidea nahi eta behar duela, argi dago Euskal jendarteak urteetan pairatu dugun egoera gainditu eta gatazka behin betiko konpontzea aldarrikatzen duela. Bide horretan, esan beharra daukagu Patxiren atxiloketa eta Espainiako gobernuak presoekiko mantentzen duen politika ez datozela inondik inora bat Euskal Herriaren nahiekin.

Hemen ikusi ahal dozue irabazlea:

Herrira.org.

Herrira sortu da. Euskal Herrian hutsik dauden aulkiak betetzea da bere xedea. Zentzu honetan, helburu honekin bat egiten duten herritar guztiei espazio eraginkor bat eskaintzera gatoz, eremu ezberdinetatik eta konpromiso ezberdinekin, eginahal honetan ahalik eta indar gehien batzeko.

Gure helburuekiko aldekotasun jarrerak dituzten herritarrekin eta eremu guztiekin batera lan egin nahi dugu, hauei entzunez, elkarlana bultzatuz, mugimendu parte hartzaile eta zabal bat eratuz.

Gure helburuekiko aurkakotasun jarrerak dituzten herritarrekin eta eremu guztiekin ere lan egin nahi dugu. Hauen kontzientziak ukitu nahi ditugu, hauen jarrerak aldatu, gaurko aurkakotasunak biharko aldekotasun bihurtu daitezen.

Herrira sortu da. Hau ez da aktibista kopuru zehatz bateko mugimendua. Hau preso eta iheslarien etxeratzea ahalbidetu nahi duen herri mugimendu da. Herrira gehiengo zabal baten nahia antolatzera dator, nahi hau mobilizazio bihurtzera, helburu hau egia izan dadin lan egitera. Herritarren ahotsa eta ekintza da Herrira. Denok gara Herrira.

Urtarrilaren 7an Bilbon burutu zen mobilizazioa erreferentzia argia da preso eta iheslariak etxeratzeko lanean. Hilabeteetako lanaren emaitza izan da manifestazio kolosala. Presoen gaia eztabaida politikoaren erdigunean kokatzeko baliagarria izateaz gain, gizartearen konpromisoaren erakusleiho izan da. Argazki horrek bide bat erakusten du, preso eta iheslariak herriratzeko egiten ari garen bidea.

Bihartik aurrera bide horretan gehiago izateko lan egingo dugu. Askotariko herritarrak batu nahi ditugu, askotariko ekimenetan.

Hau, desagertzeko zioa duen mugimendua da. Misio bat jarri diogu gure buruari, eta misio bakar horri loturik lan egingo dugu. Behin misioa lortuta, bere lana amaitutzat emango du Herrirak. Izan beza bizitza laburra bezain emankorra. Gogotik ospatuko dugu gure azken arnasa!